DİN Daxili Qoşunların Füzulidə minaya düşən hərbçilərinin son durumunu açıqladı - YENİLƏNİB
10:53 / 29.11.2021
839
Daxili İşlər Nazirliyi (DİN) Daxili Qoşunların Füzuli rayonunun Ermənistanın işğalından azad olunan hissəsində minaya düşən hərbi qulluqçularının durumuna aydınlıq gətirib.
Sfera.az xəbər verir ki, nazirliyin Mətbuat Xidmətinin şöbə rəisi, polis mayoru Elşad Hacıyev bildirib ki, minaya düşən Murad Məmmədzadənin sol ayağı topukdan amputasiya edilib.
O bildirib ki, yaralılardan digəri Sarib Məmmədzadənin isə müalicəsi davam etdirilir.
10:11
Daxili İşlər Nazirliyinin (DİN) Daxili Qoşunlarının Füzuli rayonunun Ermənistanın işğalından azad olunan hissəsində minaya düşən hərbi qulluqçularının son durumu açıqlanıb.
Sfera.az xəbər verir ki, hərbi qulluqçular - Sarib Məmmədzadə və Murad Məmmədzadənin hər birinin ayaqlarından biri amputasiya edilib.
Hazırda hər iki şəxsin vəziyyəti stabildir, müalicələri davam etdirilir.
Qeyd edək ki, Daxili Qoşunların hərbi qulluqçuları - 2001-ci il təvəllüdlü Sarib Məmmədzadə ilə 2002-ci il təvəllüdlü Murad Məmmədzadə noyabrın 28-də Füzuli rayonunun Şükürbəyli kəndində piyada əleyhinə minaya düşüblər.
Faktla bağlı rayon prokurorluğunda araşdırma aparılır.
(report)
