Bu gün İsveçrənin Davos şəhərində Ümumdünya İqtisadi Forumu başlayır.

Sfera.az xəbər verir ki, Azərbaycan prezidenti İlham Əliyev forumda iştirak etmək üçün İsveçrəyə səfərə gedib.

Yanvarın 17-20-də keçiriləcək foruma dövlət başçıları və nazirlərlə yanaşı, Met Deymon və Forest Vhitaker kimi Hollivud məşhurları da qatılacaq. Ümumilikdə forumda 30-dan çox dövlət başçısı və baş nazirin iştirakı gözlənilir. 

Bu il foruma nə Türkiyə prezidenti Rəcəb Tayyib Ərdoğan, nə də baş nazir Binali Yıldırım qatılacaq. Türkiyəni toplantıda baş nazirin köməkçisi Mehmet Şimşek və iqtisadiyyat naziri Nihat Zeybekçi təmsil edəcək.