Sfera.az türk mediasına istinadən xəbər verir ki, Castin Biberə yaxın mənbədən alınan məlumata görə, 24 yaşlı müğənni depressiyadan əziyyət çəkir və hazırda müalicə olunur.

Xatırladaq ki, son zamanlar gənc model Hailey Baldvinlə ani qərarla evlənərək gündəmə gələn Castin Biber hazırda sağlamlıq problemləriylə mübarizə aparır.

Mediada yer alan son fotolarında yorğun və tükənmiş görünən Biberlə bağlı danışan mənbə "Castin tükənmişlik sindromu yaşayır, daxili problemləriylə hesablaşmağa çalışır. Bunun Hailey ilə heç bir əlaqəsi yoxdur. Onunla evlənməsiylə əlaqəli deyil, əksinə çox xoşbəxtdir” ifadələrini işlədib.

Qeyd edək ki, ötən ayların birində verdiyi müsahibəsində Castin Biber sıxıntıları ilə bağlı bəzi şeylər açıqlayıb. O "mənim üçün insanlara güvənmək olduqca çətindir. Ətrafımdakı insanların məndən istifadə etməyə çalışdığını hiss edirəm. Ehtiyacım olanda mənə görə yanımda olmurlar. Keçmişimdə bəzi pis qərarlar verdim. Bu isə mənim qərar vermək qabiliyyətimə dair güvənimi sarsıtdı” kimi ifadələr işlədib.

Sfera.az