Cəmİyyət

“Bunun adı korrupsiya deyil, bəs nədir?” - AQTA-ya ittihamlar

“Bunun adı korrupsiya deyil, bəs nədir?” - AQTA-ya ittihamlar
 

"Son zamanlar yaradılmış mənasız qurumlardan biri Qida Təhlükəsizliyi Agentliyidir”.

"Yeni Sabah” xəbər verir ki, bunu iqtisadçı ekspert Natiq Cəfərli deyib. O, bildirib ki, normal ölkələrdə həmin Agentliyin funksiyasını məhkəmələr yerinə yeririr. 

"Bizim hökumət hələ də qavraya bilmir ki, ən yaxşı nəzarətçi - alıcıdır, müştəridir. Əgər normal məhkəmə sistemi olsa, müştəri aldığı keyfiyyətsiz, vaxtı keçmiş, sağlamlığa təhlükə yaradan məhsula görə satıcını məhkəməyə verib böyük məbləğdə kompensasiya alar, bu hal rutinləşsə heç bir istehsalçı, satıcı keyfiyyətsiz mal satmaz”.

N. Cəfərli Qida Təhlükəsuzliyi Agentliyinin rəhbəri Qoşqar Təhməzlinin özü elan etdiyi tenderləri öz şirkətinin qalib elan edilməsinə də münasibət bildirib: 

"Agentlik 12 İyul 2019-cu il tarixində "Medeks" MMC ilə müqavilə imzalayıb. Müqavilənin məbləği 43 min 208 manatdır. 

Həmçinin iyulun 7-də Azərbaycan Qida Təhlükəsizliyi İnstitutu laboratoriyaları üçün ləvazimatların satın alınması üçün "Medeks" MMC ilə 599 min 749 manatlıq başqa müqavilə də imzalayıb.

Qoşqar Təhməzli 2008 - 2016- cı illərdə "Medeks” MMC-də baş direktor vəzifələrində çalışıb, indi də şirkətin Qoşqar Təhməzliyə məxsus olduğu bilinir.

Yəni adam dövlətin təsis etdiyi Agentliyin rəhbəri kimi dövlətin büdcəsindən ayrılan pulla öz şirkətindən avadanlıq alır. Bunun adı korrupsiya, etik qaydaların pozulması, maraqlar konflikti deyil də, bəs nədir?”.

XƏBƏR LENTİ

«    Oktyabr 2019    »
B.eÇ.aÇC.aC.Ş.B
 123456
78910111213
14151617181920
21222324252627
28293031