10 saylı Binəqədi 3-cü seçki dairəsindən deputatlığa namizəd Müasir Musavat Pariyasının sədir müavini Könül İsmayılovanın parlament seçkilərinin təbliğat-təşviqat kampaniyası çərçivəsində seçicilərlə görüşü davam edir.

 

 

Millixəbər.az xəbər verir ki, görüşlərdə deputatlığa namizəd Könül İsmayılova Azərbaycan Respublikasının Prezidenti cənab İlham Əliyevin həyata keçirdiyi inkişaf siyasəti, aparılan dərin məzmunlu islahatlar haqqında ətraflı məlumat verir. O qeyd edirki, bu islahatlar ölkəmizin inkişafına böyük təkan verməklə yanaşı, insanların sosial rifahının daha da yüksəlməsinə xidmət edir.

Deputatlığa namizədin sözlərinə görə, sosial-iqtisadi, məhkəmə-hüquq sistemində aparılan islahatlar ciddi nəticələr verməkdədir, vətəndaşlar islahatların nəticələrini öz həyatlarında hiss edirlər. Xanım namizəd onu da vurğulayıb ki, respublikanın Birinci vitse-prezidenti Mehriban xanım Əliyevanın fəaliyyətində də sosial məsələlərin həlli xüsusi yer tutur.

Deputatlığa namizəd qəsəbə boyu həyət həyət gəzərək seçicilərin problemi ilə maraqlanıb, onların şikayətlərini dinləyib.

Namizəd xanım sakinlərə Milli Məclisə seçiləcəyi təqdirdə görəcəyi işlərdən danışıb, Biləcəri əhalisinin problemlərinin həlli üçün parlamentdə məsələlər qaldıracağını deyib.

K.İsmayılova ölkədə uğurlu gənclər siyasətinin həyata keçirildiyini vurğulayaraq, gənclərin dövlət başçısının ətrafında sıx birləşdiyini və onun gördüyü işləri dəstəklədiyini qeyd edib.

Görüşdə çıxış edən seçicilər Prezident İlham Əliyevin inkişaf siyasətini dəstəklədiklərini, qarşıdan gələn seçkilərdə də Könül İsmayılovaya səs verəcəklərini bildiriblər.