Bu il Azərbaycanda Həcc ziyarətinin qiymətinin artmasıyla bağlı - QMİ-dən açıqlama
Sfera.az bildirir ki, bu sözləri idarənin əməkdaşı bildirib.
Builki Həcc ziyarətinin qiymətinin artması ilə bağlı suallımızı cavablandıran QMİ rəsmisi bildirdi ki, yayılan məlumatlar düzgün deyil:
"10 gün bundan qabaq Report-da məlumat gedib. Yayılan məlumatlar həqiqətə uyğun olmayan şeylərdi, özlərindən nəsə uydurublar, yaxud həqiqətən bəlkə də bizim uşaqlardan kimdənsə nəsə soruşublar və özlərinə görə jurnalist fantaziyasıyla yazmağa başlayıblar. Çünki burda işçilərin, əməkdaşların heç birinin Həccin qiymətlərindən xəbəri yoxdur. Nə mənada xəbəri yoxdur? Hələ bizim nümayəndə heyəti gedib müqavilə bağlamalıdır. Ondan sonra məlum olacaq. Sizə konkret deyirəm ki, bu məsələni fevral ayının 17-dən sonra maraqlansanız məlumat veriləcək. Çünki fevralın 17-si Səudiyyə Ərəbistanı Krallığının nümayəndə heyəti gələcək və bundan sonra qiymətlər məlum olacaq”.
Qeyd edək ki, yanvarın 14-də dərc edilən xəbərlərdə, Həcc ziyarəti zamanı qiymətlərin bu il ötən ilə nisbətdə 50 və ya 100 ABŞ dolları daha baha olacağı bildirilib.
Xatırladaq ki, ötən il Azərbaycanda Həcc ziyarətinə səfər xərci 4150 ABŞ dolları olub, ümumilikdə isə 1440 nəfər ziyarət edib.
Azərbaycanda rəsmi olaraq Həcc ziyarətini QMİ təşkil edir.
Sfera.az