"Azərbaycan rəsmilərinin ABŞ-dakı yəhudi diasporunun təmsilçiləri və onlara məxsus təşkilatlarda görüşlər keçirməsi ənənə halını alıb”.

Bu sözləri Sfera.az-a Prezident İlham Əliyevin ABŞ səfərini şərh edərkən siyasi şərhçi Sədrəddin Soltan deyib.

Ekspert qeyd edib ki, əvvəllərdə belə görüşlər olub:

"Odur ki, belə görüşün keçrilməsində qeyri-adi heç nə yoxdur. Bu görüşdə yeganə yenilik vitse-prezident Mehriban Əliyevanın iştirakıdır. Onu da yəhudi lobbisi və diasporunun təmsilçiləri görüşü normal qarşılanmalıdır. Çünki o, Azərbaycan Konstitusiyasına əsasən, daşıdığı vəzifəyə görə ölkənin ikinici şəxsidir. Ehtimal etmək olar ki, bu görüşdə yəhudi diasporunun nümayəndələri Azərbaycanın vitse-prezidenti ilə tanış olmaq istəyiblər və bu tanışlıq da baş tutub. İsraillə arasında münasibət yaxşı olduğundan Azərbaycan rəsmilərinin yəhudi diasporunun təmsilçiləri ilə görüşləri də müsbət qarşılanmalıdır. Odur ki, bu görüşün Azərbaycana faydalı olacağı da istisna edilmir. Yeri gəlmişkən, bu gün yəhudilərin Roş-a-Şana, yeni il bayramıdır. Onlar 5778-ci ilin qeyd edirlər.Bu bayramı qeyd edənləri təbrik edirəm”.

Xatırladaq ki, Sentyabrın 17-də Azərbaycan Respublikasının Prezidenti İlham Əliyev və birinci xanım Mehriban Əliyeva BMT Baş Assambleyasının 72-ci sessiyasında iştirak etmək üçün Amerika Birləşmiş Ştatlarının Nyu York şəhərinə səfərə gediblər.

Azad Əliyev

Sfera.az