Cəmİyyət
Müsahİbə

“Brus Uillislə çəkiliş üçün cəmi 10 saat vaxtımız var idi” – MÜSAHİBƏ

“Brus Uillislə çəkiliş üçün cəmi 10 saat vaxtımız var idi” – MÜSAHİBƏ
Baxdığımız reklamların son nəticəsi ilə yanaşı, reklama hazırlıq prosesi, səhnə arxası məqamlar, çəkilişdə yaşanılan anlar da hər zaman izləyicilərə maraqlı gəlir. Bir müddət əvvəl, Azərbaycanda istehlakına görə 1-ci yerdə olan Macarıstan markası HELL də məşhur Hollivud aktyoru Brus Uillislə çəkdiyi qlobal reklam çarxı ilə diqqətləri üzərinə topladı. Nyu-Yorkda çəkilən reklamın maraq oyadacaq detalları barədə HELL-in PR direktoru Ester Anna Toth və marketinq direktoru Peter Pantl danışdılar.
 
Sfera.az həmin müsahibəni sizə təqdim edir:
 
- İlk olaraq, maraqlıdır niyə sima olaraq məhz Brus Uillisi seçdiniz? 

Peter Pantl: Onun şəxsiyyəti brendin dəyərlərinə mükəmməl şəkildə uyğun gəlir. Biz markamızın istehlak olduğu bütün ölkələrdə tanınan, HELL ENERGY-nin geniş hədəf auditoriyasına uyğun gələn dinamik, etibarlı bir ulduz axtarışında idik. Digər mühüm cəhət isə o idi ki, Brus Uillis müqayisədə az sayda məhsulu reklam edib.

- Belə bir məşhur aktyordan necə razılıq aldınız?  

Peter Pantl: Amerikalı məşhurun agenti ilə danışıqlar aparmaq asan deyil, lakin hər kəs bütün tapşırıqlara pozitiv və çevik şəkildə yanaşdı. Kollektivimiz aktyorla danışıqlara sıfırdan başladı, ona necə bir məhsul istehsal etdiyimizi, zavodlarımızı, hansı ölkələrə ixrac olunduğumuzu və əlbəttə ki, uğur hekayəmizi danışdıq. Bütün bunlardan sonra razılıq əldə edəcəyimizə dair şübhəmiz qalmamışdı. Brus Uillis də bizim məhsulumuzu çox xoşladı.

- Məşhur bir aktyorla iş güman ki, detallı plan tələb edir. Siz çəkilişləri necə təşkil etdiniz?  

Peter Pantl: Dediyiniz kimi, Amerikan Prodakşn şirkəti ilə reklam çəkilişinin ən kiçik detallarını belə təşkil etməli və son dəqiqəyə qədər hər şeyin planını qurmalıydıq. 3 günlük çəkilişin 1-ci günündə pəkşot çəkilişləri edildi, 3 nəfərdən ibarət stilist komandası 12 saat sadəcə enerji içkisinin görüntüsü üzərində işlədi. İkinci gün çəkiliş Brus Uillisin dublyoru ilə modelləşdirildi. Bu aktyorla keçən vaxtı maksimum effektiv istifadə etmək üçün vacib idi. Müqaviləyə əsasən çəkiliş üçün cəmi 10 saat vaxtımız var idi. Bu vaxt aktyorun evindən çıxdığı andan başlayırdı və evinə qayıtmaq müddəti də buraya daxil idi. 

Ester Anna Toth: 40 adamdan ibarət heyətlə işləyirdik və qrafikimiz çox gərgin idi. Brus Uillis yarım saat tez gəldi və gecikmələr olmasın deyə studionun yaxınlığındakı mənzilində qaldı. Amma bizə yenə də vaxt kifayət etmədi və onun meneceriylə danışdıqdan sonra işləri bitirməyimiz üçün yarım saat da əlavə qaldı.

- Brus Uillisin də digər məşhurlar kimi kaprizləri var idi? 

Ester Anna Toth: Brus həqiqətən çox peşəkar, asan yola gedilən insandır və tipik məşhurlar kimi davranmır. O, bütün gün gördüyümüz işə fokuslandı. Aktyor çoxlu tələblər edə bilərdi, amma yeganə istəyi kiçik yaşıl otaq oldu, əlavə heç bir tələb bildirmədi. Brus heyətlə birlikdə gəldi, hətta fasilələrdə istirahət otağına belə getmir, söhbət edirdi.

- Yadda qalan hansısa bir hadisəni paylaşa bilərsiniz?
   
Peter Pantl: Fotolar çəkilərkən, zəhmət olmasa, daha böyük gülümsəmə (bigger smile) sözlərini eşidəndə, Brus hirslə cavab verdi "Yaxşı, mən daha yaxşı güləcəm”. Bunu eşidəndə birdən çox həyəcanlandım, fikirləşdim ki, əsəbləşdi və elə indicə günün ortasında çəkilişi tərk edəcək. Sonra Brus güldü və dedi: ‘Zarafat edirdim’. O, aktoyrluğu həqiqətən yaxşı bacarır. 

- Bəs Brus Uillis HELL-i bəyəndimi? 

Peter Pantl: Brus enerji içkisini çox bəyəndi, hətta ona verilən bütün enerji içkilərini içdi. Axırda aktyoru həddən çox kofeindən qorumaq üçün HELL-i qazlı su ilə əvəz etməli olduq.

Müsahiblər sonda bildirdilər ki, reklamın hazırlanma prosesi təxminən 6 ay çəkib. Yüzə yaxın insan reklamın ərsəyə gəlməsi üzərində işləyib və onlardan 40 nəfəri Nyu-Yorkdakı reklam çəkiliş qrupunda olub.
 
Oxucularımıza çəkilişin səhnə arxasından maraqlı məqamları təqdim edirik: 


 
 
Sfera.az
AdRiver

XƏBƏR LENTİ