Cəmİyyət

“BNA nəyə nəzarət edir ki, buna da nəzarət etsin?” – Avtobuslarda oturacaqlar niyə sökülür...

“BNA nəyə nəzarət edir ki, buna da nəzarət etsin?” – Avtobuslarda oturacaqlar niyə sökülür...
 

"Əgər nəqliyyat vasitəsində istehsalçı zavod tərəfindən oturacaqlar sökülürsə bu normativlərin ciddi şəkildə pozulmasıdır. Burada sahibkar və sürücülərin birbaşa maraqları var”.


Bu sözləri Sfera.az-a açıqlamasında nəqliyyat eksperti Elşad Hüseynov bildirib. Sərnişindaşımada avtobusların konstrukisiyalarını kobud şəkildə pozaraq oturacaqların sökülməsi məsələsinə toxunan ekspert problemin bu günə kimi həllini tapmamasını konkret olaraq BNA və digər qurumların səriştəsizliyi ilə əlaqələndirdi.


"Adətən avtobusda iki qoşa və bir tək oturacaqlar sökülür ki, bu da sərnişin daşımanın pik saatlarında insanların rahatlığını pozmaq və ayaqüstündə dayanan sərnişinlər hesabına daha çox qazanc götürmək istəyindən irəli gəlir. Bu kimi neqativ hallara Bakı Nəqliyyat Agentliyi nəzarət etməlidir ki, adıçəkilən qurum da ümumiyyətlə, nəyə nəzarət edir ki, bu məsələni də diqqətdə saxlasın?Bundan əlavə, tutacaq dirəklərinin çıxarılıb hansısa məqsədlər üçün istifadə edilməsi, sürücünün əyləşdiyi kabinanı sanki özəlləşdirməsi, pəncərəyə qalın həcmli lentlər çəkilməsi - bunlar hamısı qayda pozuntusudur. Təssüüf ki, bütün bunlarla bağlı Dövlət Yol Müfəttəşliyi, Yol Polisi maraqlanıb ölçü götürməli olduğu halda heç bir dövlət orqanı bu məsələyə diqqət yetirmir”.


Bu sahədə İnzibati Xətalar Məcəlləsində konkret olaraq heç bir müddəanın olmaması məsələsinə toxunan Elşad Hüseynov bütün bunların sürücü və sahibkarların əl-qolunu daha da açdığını vurğulayıb.


"Əgər İnzibati Xətalar Məcəlləsində konkret olaraq adı çəkilən problemlə bağlı müddəa olarsa düşünürəm ki, o zaman cavabdeh şəxslər daha məsuliyyətli olarlar. Belə olduqda sürücü və sahibkarlar özlərini daha da rahat hesab edirlər və insan həyatını heçə saymaqla sərnişindaşıma ilə məşğul olurlar. Bu gün ən böyük problemimiz qanunlarımızda sözü gedən məsələ ilə bağlı böyük boşluqların olması ilə bağlıdır”.

 

 

Səbuhi

Sfera.az

XƏBƏR LENTİ

«    Sentyabr 2019    »
B.eÇ.aÇC.aC.Ş.B
 1
2345678
9101112131415
16171819202122
23242526272829
30