BMT-dən Əliyev-Sərkisyan görüşü ilə bağlı – Açıqlama
Azərbaycan Prezidenti İlham Əliyevlə Ermənistan Prezidenti Serj Sərkisyan arasında keçiriləcək planlaşdırılmış görüş 2 ölkəyə Qarabağ konflikti ilə bağlı kompromis həll yolu tapmağa kömək edəcək.
Bu barədə BMT Baş katibinin rəsmi nümayəndəsi Stefan Düjarrik jurnalistlərin suallarına cavab verərkən bildirib.
Düjarrik BMT-nin Baş katibi Antonio Quterreşin BMT Baş Assambleyası çərçivəsində Nyu Yorkda baş tutan Azərbaycan və Ermənistan xarici işlər nazirlərinin görüşünü alqışladığını qeyd edib.
"BMT-nin Baş katibi gərginliyi azaltmaq və danışıqlar prosesini canlandırmaq üçün həmsədrlərin səylərini dəstəkləyir”, - Düjarrik deyib.
Düjarrik həmçinin BMT-nin prezidentlərin görüşünün inamın güclənməsinə fayda verəcəyinə və tərəflərin siyasi iradəsinin gücləndirilməsi ilə həll edilməmiş məsələlərə dair sülh və kompromis həll yolu tapılmasına kömək edəcəyinə ümid etdiyini söyləyib.
Sfera.az