Sfera.az  xəbər verir ki, Milli Məclisin bu gün keçirilən iclasında çıxış edən S.Novruzov deyib ki, bəziləri gecə-gündüz fəaliyyət göstərən Milli Məclis və deputatlar haqqında fikir bildirirlər:

"Bildirir ki, islahat Milli Məclisdən başlamalıdır. Bunu Fazil Mustafa  buu günlərdə mətbuata verdiyi müsahibədə deyib. Bunu sosial şəbəkədəki fəaliyyətlə bağlı bildirib. Hansı birinizin sosial şəbəkədə işləməyinizə bir söz deyilib?! Hamının  sosial şəbəkə hesabı var. Kimə maneçilik törədilib? Burada media nümayəndələri də iştirak edir. Mediaya kimsə rəhbərlikdən deyib ki, filankəsin yazısını verim, filankəsinkini verməyin?!  Biz xaricdə Azərbaycana qarşı qarayaxma aparan qüvvələrlə mübarizə aparaq, yoxsa içimizdə olanlarla?! Biz xalq artisti deyilik ki, "Instagram"da oturaq. Milli Məclisin vəzifəsi özünün şəxsi maraqlarını təmin etmək deyil. Kimsə deyir ki, məsələnin ona aidiyyatı yoxdur. Kiminsə səviyyəsinə düşmək istəmir. Hansı səviyyədənsə səviyyənə uyğun cavab ver. Hər bir fikri irəli sürəndə ölçülü- biçili sözlərlə onu ifadə etmək lazımdır. Kim hansı fəaliyyət göstərmək istəyirsə o fəaliyyətini də göstərir. Azərbaycanda söz, mətbuat, internet azadlığı var”. (olke.az)