O, Sfera.az-a açıqlamasında deyib ki, sözügedən filmdə ciddi səhvlərə yol verilib:

 

"Sözügedən filmlə bağlı Ayaz Salayevin yazdığı məqaləni oxumuşam. Həmin məqalədə Ayaz Salayevin bütün fikirləri ilə tam razıyam və onun mövqeyini müdafiə edirəm".

 

S.Rüstəmxanlı təəssüflə qeyd edib ki, son illər Azərbaycanda sanki ermənipərəstlik güclənir:

 

"Ermənilərin tez-tez Azərbaycana dəvət olunması və digər bu kimi hadisələr ermənipərəstliyin gücləndiyini göstərir. Təsəvvür edin ki, ermənilərin yeni baş naziri Nikol Paşinyan Şuşaya gəlib Azərbaycanı hədələyir. Ancaq Qarabağ İcmasının rəhbəri Bayram Səfərov da qadın qarğışı edərək, deyir ki, onun ayaqları sınaydı. İcma rəhbəri düşmənə qarğışla cavab verir. Belə diplomatiya olar? Belə reaksiya olmaz axı!

 

Çox təəssüf ki, Rusiyada da ermənilərlə alver edən, qohum olan adamlar açıq şəkildə deyir ki, Qarabağ mənim problemim deyil və sairə. Azərbaycana bundan böyük riyakarlıq və xəyanət ola bilməz. Əslində, həmin adamların cəzası verilməlidir".

Xalq şairi sözügedən filmlə bağlı İbrahimbəyovu da tənqid edib:

 

"Çox təəssüf ki, ziyalı dediyim adamların içərisində də bu cür düşünənlər var. Onlar hələ də ermənilərlə qonşuluğun xiffətini çəkir. Mən bu filmdən daha çox Azərbaycan cəmiyyətinin bu kimi hadisələrə biganəliyindən heyrətlənirəm. Təsəvvür edin ki, bu film 3 il öncə çəkilib. Ancaq jurnalistlərimiz indi oyanırlar. Halbuki, bu filmlə bağlı 3 il əvvəl ona cavab verilməli idi".