Bayram günü metro gecə 01:00-a qədər işləyəcək
16:57 / 25.12.2017
656
Bayram günü metro gecə 01:00-a qədər işləyəcək
"Bakı Metropoliteni” QSC Dünya Azərbaycanlılarının Həmrəyliyi Günü və Yeni il münasibətilə gecə saat 01:00-a qədər işləyəcək.
Bunu Sfera.az-a QSC-nin mətbuat xidmətinin rəhbəri Nəsimi Paşayev bildirib.
N. Paşayevin sözlərinə görə, bütün stansiyalara giriş saat birə qədər açıq olacaq:
"Sadəcə, sərnişinlərdən xahiş edirik ki, "Sahil” metrostansiyasının bağlı olduğunu nəzərə alsınlar. Metrodan istifadə edəcək sərnişinlər "28 May” və "”İçərişəhər” stansiyalarına üz tuta bilərlər”.
Xatırladaq ki, Bakı Şəhər İcra Hakimiyyəti Dünya Azərbaycanlılarının Həmrəyliyi günü və Yeni il münasibətilə dekabrın 31-də, saat 00:00-da Milli Parkda atəşfəşanlıq təşkil edəcək.