BAŞ PROKURORLUQ KİMƏ 39 MİLYON ÖDƏTDİRİB? – Hesablama Palatasının hesabatında ŞOK rəqəm
15:48 / 01.04.2019
5674
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Zaqatala rayon şöbəsində və Milli Arxiv İdarəsində aparılmış auditlərin nəticələri üzrə prokurorluq orqanlarına göndərilmiş materiallara dair Baş Prokurorluqdan Hesablama Palatasına məlumatlar təqdim edilib.
ONA-nın məlumatına görə, bu, Hesablama Palatasının 2018-ci ildə fəaliyyəti barədə Milli Məclisə təqdim olunan hesabatda əksini tapıb.
Həmin məlumatlara görə, Dövlət Sosial Müdafiə Fondunun Zaqatala rayon şöbəsi üzrə müəyyən edilmiş 38 milyon 744,12 min manat ziyanın və Milli Arxiv İdarəsi üzrə İnzibati Xətalar Məcəlləsinin 445-1.1.2-ci maddəsi üzrə nəzərdə tutulmuş inzibati xəta üzrə 1500 manat məbləğində cərimənin ödənilməsi təmin olunub.
Maraqlıdır, Dövlət Sosial Müdafiə Fondunun təkcə bir rayon şöbəsində dövlətə 39 milyona yaxın ziyan necə vurulub? Bu qədər böyük məbləği Baş Prokurorluq kimə və necə ödətdirib? Ən əsası, büdcəyə 38 milyon ziyan vuranlar məsuliyyətə cəlb olunublarmı?
