Lisenziyası ləğv edilmiş "Bank of Azerbaijan”ın ləğvedicisi – Əmanətlərin Sığortalanması Fondu bankın kreditorlarına müraciət edib. 
Oxu.Az-ın məlumatına görə, müraciətdə bildirilir: 
"Ləğvedici müflis elan edilmiş Bank qarşısında borc öhdəliyi (kreditləri) olan, fiziki və hüquqi şəxslərə bildirir ki, "Banklar haqqında” qanuna uyğun olaraq, bankın adından yalnız ləğvedici və ya onun vəkil etdiyi şəxs tərəfindən edilən hərəkətlər hüquqi qüvvəyə malik olur.
Bundan başqa bankın öhdəlikləri üzrə faizlərin və digər haqların hesablanması dayandırılsa da, bankın aktivlərinə faizlərin və digər haqların hesablanması dayandırılmır.
Ləğv prosesində olan "Bank of Azerbaijan”a borcu (krediti) olan və vaxtında ödənişləri həyata keçirməyən borclu fiziki və hüquqi şəxslərə qarşı qanunvericiliklə nəzərdə tutulmuş qaydada tədbirlər görüləcək. Bankın müflis elan olunması borclu şəxslər tərəfindən borcların ödənilməməsinə əsas vermir.
Banka borcu olan şəxslər borclarının ödənilməsi və məlumat almaq üçün aşağıdakı ünvana müraciət edə bilərlər.
Ünvan: Bakı ş. Ak. Həsən Əliyev küçəsi 24. Əlaqə telefonları: 175 qaynar xətt (+99412) 499 70 00, (+99412) 596 65 91/92/93,
Ləğvedicinin vəkalətli nümayəndəsi: Ramil Tahirov
Əlaqələndirici: Vüsal Həsənsoy