Paytaxt ərazisində yol hərəkətinin təkmilləşdirilməsi və təhlükəsizlik tədbirlərinin artırılması istiqamətində artıq daha bir önəmli layihənin icrası yekunlaşdırılıb.

Sfera.az bildirir ki, Bakı Nəqliyyat Agentliyinin Mətbuat katibi Mais Ağayevin APA-ya verdiyi məlumata görə, layihə çərçivəsində Bünyadov və M.K.Atatürk prospektlərinin kəsişməsində hərəkətin təşkilində dəyişiklik edilib. Belə ki, dəyişikliklik nəticəsində artıq Ziya Bünyadov prospekti kənar yol ilə hərəkət edən nəqliyyat vasitələri (Olimpiya stadionu istiqamətində) M.K.Atatürk prospekti ilə kəsişmədə yeni təşkil edilmiş yolayrıcları hesabına hərəkətlərini birbaşa davam etdirə biləcəklər. Yolayrıcında hərəkət svetoforlarla nizamlanır.

Dəyişikliyin üstün cəhətləri aşağıdakılardır:

Bu prospektlərdə yaranan tıxac və sıxlıq hallarının aradan qalxmasına müsbət təsir edir; piyada təhlükəsizliyi təmin edilir; sərnişindaşımalarda keyfiyyətin daha da yüksəldilməsinə köməklik göstərir; nəqliyyat vasitələrinin daha az məsafə qət etməsinə imkan yaradır.