Bakıda Qafqaz Xəbər Media Mərkəzi təsis olundu
15:26 / 19.01.2017
1194
Tanınmış araşdırmaçı jurnalist Rəşad Rüstəmov yeni media mərkəzinə direktor təyin edilib
Müxtəlif mətbuat konfransları, dəyirmi masalar və təqdimatların keçirilməsi məqsədi ilə, Qafqaz Xəbər Media Mərkəzi (QXMM) təsis olunub. Qafqaz Xəbər Media Mərkəzi (QXMM) "Qafqaz Xəbər Agentliyi” MMC-nin layihəsidir. Qafqaz Xəbər Media Mərkəzində (QXMM) də vətəndaşların sosial problemlərinin həlli istiqamətində keçirilən mətbuat konfranslarına və digər tədbirlərə ictimaiyyətin aktiv nümayəndələri, jurnalistlər dəvət olunacaq, həmçinin, münasib şərtlərlə "Coffe break”, "furşet” və "Lunch” xidmətləri də göstəriləcək.
Qeyd edək ki, QXMM-in direktoru vəzifəsinə tanınmış araşdırmaçı jurnalist, tarix elmləri üzrə fəlsəfə doktoru Rəşad Rüstəmov təyin olunub. Bu barədə LEGION-a danışan Rəşad Rüstəmov bildirib ki, müxtəlif təşkilatlar, şirkətlər və ya sıravi vətəndaşlar özlərinin vacib bildiyi məsələ ilə bağlı Qafqaz Xəbər Media Mərkəzində tədbir keçirə biləcəklər.
"Onlar təqdim olunan xidmətlərdən yararlanaraq, daha geniş kütləyə çıxmaq imkanı qazanacaqlar. Demokratik cəmiyyətdə vətəndaşların problemlərinin həllində media müstəsna rol oynayır. Bu həmçinin Azərbaycana da aiddir.
"Qafqaz Xəbər” Media Mərkəzinin yaradılmasında əsas məqsəd media işçilərinin vətəndaşların sosial problemlərinin həllində daha aktiv iştirak etməsi üçün şərait yaratmaqdan,vətəndaşların öz problemlərini ictimaiyyətin diqqətinə çatdırmasını asanlaşdırmaqdan ibarətdir”, – deyə R.Rüstəmov qeyd edib.
QXMM-nin tədbirləri və xidmətlər barədə qafqazxeber.az saytında ətraflı məlumat almaq olar.
Əlaqə
Ünvan:
Bakı şəhəri Xətai r-nu, S.Vəzirov küçəsi ,ev 11D
Əlaqə telefonları:
(+99450) 490-21-41
(+99470) 490-21-41
(+99412) 490-21-41
E-mail: