Kəskin hava şəraiti ilə əlaqədar Günəşli ərazisində yerləşən yaşayış binalarından birinin qarşısında ağaclar aşıb.

Oxu.Az-ın məlumatına görə, güclü külək yaxınlıqdakı ağacı binanın girişinin üzərində (blokun üstü) qoyulan su çəninin üstünə aşıb.

Nəticədə, su çəni bina sakinlərindən birinin avtomobilinin üzərinə düşüb.   

Hərəkətsiz vəziyyətdə olan "Mitsubishi” markalı, 99 HU 103 dövlət qeydiyyat nömrəli avtomobilə ciddi ziyan dəyib. Ölən və xəsarət alan olmayıb.

Daha bir hadisə isə Nərimanov rayonu, Mayakovski küçəsində (Montin adlanan ərazidə) qeydə alınıb.

Külək ağacı yerindən çıxararaq "Mercedes” markalı, 14 BD 045 dövlət qeydiyyat nömrəli avtomobilin üzərinə aşırıb. Nəticədə, avtomobilin arxa hissəsi əzilib. Hadisə zamanı nəqliyyat vasitəsinin içərisində heç kim olmayıb.