Rəna Babayevaya mənzili tərk etməsini bildirib. Lakin Rəna Babayeva onu şərləməklə hədələyib və evdən çıxmayacağını deyib. Bundan sonra başına gələnləri şikayətçi Vahid Məmmədov belə danışır: "Bayıl qəsəbəsində, Bayraq Meydanının yaxınlığında, 2005-ci ildə Xəlil adlı şəxsdən mənzil aldım. Evin hər bir sənədi var idi. Notariusda evin sənədlərini, alqı-satqı müqaviləsini təsdiqlədib, öz adıma keçirdim. Notariusun təsdiqi ilə ev üçün rus pulu ilə 62 milyon 400 rubl pul keçirdim. Öz evim olduğu üçün gec-gec nəzarət edirdim. Bir gün evi tərk etməsini istədim. O isə dedi ki, çıxmayacağam. Ev mənimdir. Mən də dedim ki, evin "kupça"sı mənim adımadır, ev necə sənin ola bilər? Məni hədələyərək dedi ki, hara gedirsən get, ev mənə məxsusdur. Qorxdum təzyiq göstərməyə ki, şər-böhtan atar üstümə... Ayda bir neçə dəfə gedib, evimə kənardan baxırdım. Yaxınlaşmağa cəhd etmirdim ki, üzünü-başını cırar, mənə böhtan atar". Şikayətçi deyir ki, məsələni həll etmək üçün 2006-ci ildə Səbail rayon Məhkəməsinə şikayət edib:"Məhkəmə qərar çıxardı ki, ev mənə məxsusdur. Sonra Rəna Babayeva məni Apelyasiya Məhkəməsinə verdi. Səbail Məhkəməsinin keçmiş sədri İlham Ağayevin əli ilə heç bir sənəd olmadan evi öz adına qeyri-qanuni keçirməyə müvəffəq oldu. Bir sözlə, Apelyasiya Məhkəməsi onun xeyrinə qərar çıxardı".
Vahid Məmmədov deyir ki, Rəna Babayeva onu qeydiyyatdan çıxarmaq üçün müxtəlif yalan və böhtanlara da əl atıb: "2015-ci ildə Rəna Babayeva öz əməlindən əl çəkmədi. Bu dəfə İnzibati-İqtisad Məhkəməsinə verdi ki, məni qeydiyyatdan çıxarsınlar. Məhkəmə isə mənim xeyrimə qərar çıxardı. Rəna Babayeva Apelyasiya Məhkəməsinə yenidən rüşvət verdi. Məhkəmə yenə qərar çıxardı ki, ev onundur. Məhkəmədə hətta bir dəfə Rənaya dedim ki, artıq bezmişəm, gəl evi bölək sataq. Razılaşmadı. Bütün qonşular məni tanıyır. Evi nə vaxt aldığımı, kim olduğumu bilirlər. Nə qədər şahidlər var. Ancaq halal zəhmətimlə aldığım evi əlimdən qanunsuz yola alırlar".
Vahid Məmmədov indi məhkəmənin verdiyi qərarla razılaşa bilmir: "Mənim qanuni qeydiyyatım var, notariusun təsdiqi ilə bütün sənədlər mənim adımadı. Başa düşə bilmirəm, bu, necə qərardır. Alqı-satqı müqaviləm olub, "BT"-dən sənədlərim var, "kupçam" var. Məhkəmə necə belə qərar çıxara bilər? Bununla bağlı Apelyasiya Məhkəməsinə iki dəfə şikayət elədim, sənədlərimi geri qaytardılar. 7 vəkil dəyişdim. Hər vəkilə 800-1000 dollar pul vermişəm.Vəkillər hər dəfə işi yığır, iş mənim xeyrimə həll olunan məqamda kimlərsə onlara tapşırır, vəkillər geri durmağa məcbur olurlar".
Vahid Məmmədov indi Respublika Baş Prokurorluğundan və Daxili İşlər Nazirliyindən məsələnin ədalətli şəkildə həll olunması üçün kömək istəyir.