Sfera.az salamnews-a istinadən xəbər verir ki, 13 yaşlı Toğrul Sultanovun meyiti qohumları tərəfindən bu gün səhər saatlarında yaşadığı Qızıldaş qəsəbəsindəki kiçik bir su hövzəsində tapılıb.

Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Qaradağ rayon şöbəsinə aparılıb.

Hazırda 7-ci sinif şagirdinin qətlə yetirliməsi və ya intihar etməsi araşdırılır. Mərhumun qohumlarının sözlərinə görə, Toğrul qətlə yetirilib.

Faktla bağlı Qaradağ Rayon Prokurorluğunda araşdırmalara başlanılıb.

Qeyd edək ki, əslən Yardımlı rayonundan olan bu ailə Qızıldaş qəsəbəsində yaşayır, Toğrul isə Qaradağ rayonunda yerləşən 180 saylı orta məktəbin 7-ci sinif şagirdi idi. Mərhumun atası daş karxanasında fəhlə işləyir, anası isə evdar qadındır.

 

----------

09:24

İtkin düşən məktəblinin meyiti tapılıb.

Sfera.az xəbər verir ki, Qaradağ Rayon Polis İdarəsindən APA-ya verilən xəbərə görə, martın 15-də rayonun Qızıldaş qəsəbə sakini, 2004-cü il təvəllüdlü Toğrul Zaur oğlu Sultanovun itkin düşməsi barədə polisə məlumat daxil olub.
 
Bu gün səhər saatlarında isə onun meyiti Qızıldaş qəsəbəsinin ərazisindən keçən su kanalında aşkar edilib.
 
Hadisənin qətl, yaxud intihar olduğu araşdırılır.
 
Polisdən T. Sultanovun orta məktəb şagirdi olduğu bildirilir.