Bakıda model qız estetik əməliyyatı zamanı ölüb.

 

Sfera.az Baku.ws -yə istinadən xəbər verir ki, hadisə ötən gün səhər saatlarında "Zəfəran Hospital"da baş verib. İyunun 23-də Siruz Qoçxani adlı həkim tərəfindən liposaksiya əməliyyatı edilən 22 yaşlı Leyla adlı qız iki gün sonra ölüb.

 

Qızın yaxınları bildirir ki, onun heç bir xəstəliyi olmayıb və ölümdə həkim günahkardır. Yaxınlarının sözlərinə görə Leyla Bakıda fotomodelliklə məşğul olub.

 

Qeyd edək ki, liposaksiya əməliyyatı, bölgəsəl piytoplantılarını o bölgədən uzaqlaşdıran cərrahi müdaxilədir. Bu müdaxilənin məqsədi bədəni şəkilləndirməkdir, amma çəkivermək üçün bir yol deyil. Xüsusən də obezitenin (piylənmənin) müalicəsi deyildir.

 

Bədəninizin gizli yerlərində açılan kiçik giriş dəliklərindən sovurma gücünə sahib incə uzun borularla istəmədiyiniz nahiyələrdəki yağ toxumaları parçalanıb vakuum yaradılaraq uzaqlaşdırılır. Nəticədə bölgəsəl piylənmə olan nahiyələr yenidən şəkilləndirilərək daha düzgün bədən konturları əldə edilir.