\"Bakcell Arena\" \"Olimpiakos\"u vahiməyə saldı
12:49 / 26.07.2021
806
"Neftçi" ilə Bakıda keçirəcəyi UEFA Çempionlar Liqasının II təsnifat mərhələsinin cavab görüşündən əvvəl zədə və itkilərdən əlavə, daha iki amil Yunanıstanın "Olimpiakos" klubuna problem yarada bilər.
Sfera.az-ın məlumatına görə, Pirey təmsilçisi matçın təşkil olunacağı "Bakcell Arena"nın vəziyyətindən narahatdır. Meydanın ot örtüyünün çox pis durumda olduğunu iddia edən yunanıstanlı həmkarlarımız burada yeni zədələrin ortaya çıxma təhlükəsinin mövcudluğunu vurğulayıb: "Hazırda Azərbaycanda bütün stadionlar pis vəziyyətdədir. Bu, havaların isti keçməsi ilə əlaqədardır".
Digər məqam kimi "Olimpiakos"un 5 000 tamaşaçı önündə ciddi təzyiq altında oynayacağı bildirilir: "Meydan sahiblərinin kifayət qədər çılğın azarkeşi var. "Forza Neftçi" fan-klubu isə komandaya böyük sevgisi ilə məşhurdur".
Qeyd edək ki, iyulun 28-də keçiriləcək "Neftçi" - "Olimpiakos" matçı saat 21:00-da başlanacaq. // "Report"