Erməni uşaqlarının oxuması üçün bağışlanan və daha sonra polis bölməsi olunan məşhur Sansaryan Xan binası yenidən 35 illiyinə tenderlə icarəyə verilib.  

Sfera.az unikal.org-a istinadən xəbər verir ki, binanın tenderə çıxarılmasına məqsəd restavrasiya olunmasıdır. Vəqflər Baş Müdirliyinin qərarına görə, binanın tenderdə qalib olaraq icarəyə götürən şəxs onun əmirini də öz üzərinə almış olur. 

 

Bildirilir ki, İstanbul Vəqflər 1-ci  bölgə müdirliyinin 2013-cu ildə elan etdiyi tenderi Azərbaycanlı və Türkiyəli iki ortaq qazanmışdı. Onlar bu binanı 5 ulduzlu otelə çevirmək üçün tenderə qoşulmuşdular. 

Ancaq Türkiyə Erməni Patriarxlığı Sansaray Xanın 3-cü şəxslərə təhvil verilməsi qərarına etiraz edib və tədbir görülməsi qərarı aldırıb. Lakin əvvəlki qərardan fərqli olaraq 2017-ci ildə Kassasiya Məhkəməsi Sansaryan Xanın mülkiyyətinin Vəqflər Baş Müdirliyinə aid olduğuna qərar verib və yenidən tender elan edib. 

Xatırladaq ki, "tabutluk" kimi tanınan İstanbul Sirkeci ərazisindəki Sansaryan Xan binası Hikmet Kıvılcımlı, Nazim Hikmət, Ahmed Arif, Ruhi Su, Əziz Nesin, Mihri Belli, Alparslan Türkeş, Nihal Atsız, Deniz Gezmiş kimi həm sol, həm də sağçıların sorğuya çəkildiyi yer kimi də xatırlanır.