Azərbaycanda qızıl istehsalı azalıb, gümüş artıb.
 
Dövlət Statistika Komitəsindən "APA-Economics”ə verilən məlumata görə, bu ilin yanvar ayında Azərbaycanda 135,5 kq qızıl istehsal edilib. Bu, 2015-ci ilin yanvar ayı ilə müqayisədə 21,1% azdır. Nəticədə bu ilin fevralın 1-nə 59,1 kq hazır məhsul ehtiyatı yaranıb.
 
Ötən ay ərzində ölkədə 22,9 kq gümüş istehsal edilib ki, bu da 2015-ci ilin eyni dövrü ilə müqayisədə 3,5 dəfə çoxdur. Nəticədə bu ilin fevralın 1-nə 13,8 kq hazır məhsul ehtiyatı yaranıb.