Azərbaycanda kütləvi ixtisarlar başladı - Bu qurumların əməkdaşları işdən çıxarılacaq - AÇIQLAMA
10:53 / 14.12.2017
1802
Azərbaycanda dövlət "şotu”na fəaliyyət göstərən üstəlik, ölkənin hesabından gəlirlər mənimsəyən xeyli qurumların olduğunu bilirik.
İl olub 2017-ci il və belə qərara gəlinib ki, həmin qurumlar dövləti batırmaq üzrədir.
Yaxşı, nə etməli? Ya gərək vəziyyətdən bixəbər adi işçilər ixtisar olunsun, ya da qurumun icarə etdiyi xidmət haqqı qaldırılsın. Əks halda önə yol yoxdur. Çünki artıq dövlət açıq-aşkar deyir ki, "Yükünüzü çəkə bilmirəm. Gedin özünüz dolanın”.
"Bakı Metropoliteni” Qapalı Səhmdar Cəmiyyəti birinci üsulu dəyərləndirmək qərarına gəlib. Məlumatlara görə, Bakı Metropoliteninin 500-ə yaxın əməkdaşı maliyyə çatışmazlığından ixtisar olunub. Qurumda yeni ixtisarların da baş tutacağı istisna olunmur.
Nə qədər acı olsa da, etiraf etməliyik ki, dövlət hesabına fəaliyyət göstərən digər qurumları da bu cür aqibət gözləyir.
İqtisadçı Natiq Cəfərli A24.Az-a müsahibəsində bildirdi ki, "Azərsu”, "Azərenerji” də işçilərini ixtisar edə bilər.
"Düzdür, dövlət hesabına maliyyələşən qurumlara verilən subssidiyalar azaldılacağı üçün maliyyə böhranı ilə qarşı-qarşıya qala bilərlər. Və nəticədə işçi ixtisarı apara bilərlər. Amma düşünmürəm ki, seçkiqabağı dəhşətli kütləvi ixtisarlar baş tutsun. Çünki bu gərginlik mənbəyi ola bilər”.
-Bu cür qurumların özəlləşdirilməsi məsələsi tez-tez gündəmə gəlir, Amma nədənsə bu addımı atmırlar. Sizcə bu nədən irəli gəlir?
-"Azərbaycanda özəlləşmə üçün zəmin yoxdur. Böyük özəlləşmənin həyata keçirilməsi üçün Azərbaycanda bir çox qanunverici aktlar dəyişdirilməlidir, münbit iqtisadi münasibətlər üçün rəqabətlilik mühiti artmalıdır, investorlar üçün ölkə cəlbedici hala gəlməlidir.
İkinci səbəb isə dövlət sturukturlarında çalışan məmurların çoxu özəlləşdirmədə maraqlı deyil. Çünki onlar bur cür qurumların dövlətin əlində olmasından istifadə edərək, öz maraqlarını həyata keçirirlər. Özəlləşmə olsa, orada korrupsiya halları mümkün olmayacaq. Çünki özəl sektor heç vaxt özü-özündən oğurlamır”.
-Eyni funksiyanı yerinə yetirən hansı qurumlar birləşdirilə bilər?
-"Bir-birinin funkasiyaları təkrarlayan çox sayda qurumlar var. Məsələn tikintiyə 14 orqan nəzarətetmə funksiyasını daşıyır. Burada birləşdirmə işi aparmamaq olar. Onları bir nazirlikdə və ya dövlət idarəsində birləşdirmək olar. Yaxud ASAN xidmətdə insanların da razı qaldığı xidmət növləri var ki, hələ də dövlət sturukturlarında qalıb. Onlar ləğv edilə bilər. Bu sahədə müəyyən addımların atılması ehtimalı var”.
Sfera.az