"Bu gün Milli Məclisdə  hərbi xidmətə çağırışla bağlı qanun layihəsinə dəyişiklik ediləcək”.

Bu barədə  Milli Məclisin Müdafiə, təhülkəsizlik və korrupsiyaya qarşı mübarizə komitəsinin üzvü, deputat Aydın Mirzəzadə bildirib.

Onun sözlərinə görə. Dəyişikliyə görə, çağırış müddəti mayın 31-dək uzadılacaq. Hərbi xidmət müddətini başa vuranların ehtiyata buraxılmasına gəlincə, deputat deyib:

"Cənab Prezidentin çağırışın elan edilməsi və xidmət müddəti başa çatan hərbi qulluqçuların ehtiyata buraxılması ilə bağlı Fərmanı var. Həmin Fərmanda çağırış müddəti mayın 31-dək uzadılır və müvafiq olaraq xidmət müddətini başa vuranlar da həmin tarixə qədər xidmətlərini davam etdirəcəklər. Əlbəttə bu onlar tərəfindən vətənə sadiq xidmətin bir nümunəsi olacaq. Çünki xüsusi karantin rejimi dövründə hərbi xidmətə çağırış xüsusi qaydalarla tənzimlənir”.