Həqiqətən də bu kədərli olduğu kimi həm də qürurverici bir hadisədir. Azərbaycan qəhrəmanlar dövlətidir. Bizim Mübariz İbrahimov, Fərid Əhmədov, Murad Mirzəyev, Salatın Əsgərova, Gültəkin Əsgərova kimi qəhrəman oğul və qızlarımız var. İnsanların ordumuza dəstək olmaq və könüllü olaraq döyüşə getmək istəyi onların necə qeyrətli və vətəninə bağlı olduğunu bir daha sübut etdi.

Təəssüf ki, ermənilər tək cəbhədə deyil həm də sosial şəbəkələr və ölkəmizin daxilində də təxribatlara əl atırlar. Ermənilər insanlarımızın orduya və dövlətə olan inamını zədələmək üçün müxtəlif yalanlar yayır, təxribatlar törədirlər. Bu yolda onlara daxilimizdəki sapı özümüzdən olan baltalar da yaxından kömək edirlər. 5-ci kalonun nümayəndələri erməni havadarlarının göstərişi ilə dünənki qəhrəmanlıq yürüşünü pozaraq müxtəlif təxribatlara əl atdılar. Onlar hətta Milli Məclisin binasına girərək daxıntılar törədiblər. Ermənilərin ölkəmizin daxilində təxribatlara əl atması, sosial şəbəkələr vasitəsi ilə yalan məlumatları yaymaqda məqsədi insanlarımızda olan ruh yüksəkliyini aradan qaldırmaq və dövlətimizə, ordumuza olan inamı zədələməkdir.

Onlar müxtəlif yollarla insanlarımızın fikrini cəbhədə gedən proseslərdən yayındırmaq istəyirlər. Çünki gənc vətənpərvər oğullarımızda olan döyüş və torpaqlarımızı işğaldan azad etmək arzusu erməniləri qorxuya salır. Hər zaman olduğu kimi Ermənistan və onların əlaltəları yenə də məqsədlərinə çata və iyrənc oyunlarını reallaşdıra bilmədi. Bu gün Azərbaycan xalqı Ali Baş Komandanına, ordusuna və dövlətinə inanır, dəstək olur. Nəyinki ermənilər heç bir kəsin bu gün insanlarımızda olan ruh yüksəkliyini və ordusuna olan etibarını zədələyə bilməz. Tezliklə Ali Baş komandanımızın rəhbərliyi ilə yüksək döyüş qabiliyyətinə malik olan Azərbaycan silahlı qüvvələri Ermənistan ordusunu biabırçı məğlubiyyətə uğradıb torpaqlarımızı işğaldan azad edəcək".