Azərbaycan çempionatına milli komanda da buraxıldı
13:35 / 02.08.2021
1595
Azərbaycan Futzal Federasiyasının iclası keçirilib.
Federasiyadan Sfera.az-a verilən məlumata görə, toplantıda Yüksək Liqanın 2021-2022-ci il mövsümünə hazırlıq işləri müzakirə olunub.
Yeni mövsümdə çempionatda 8 komandanın iştirak etməsi qərara alınıb. Onlardan 5-i ötən çempionatda da gücünü sınayıb. Daha 2 klub isə debütantdır və biri – "Alyans” Lənkəranı təmsil edir.
Federasiya gənc futzalçıların inkişafı və təcrübə toplamaları, eləcə də qarşıdan gələn Avropa çempionatına daha yaxşı hazırlaşmaları üçün 19 yaşadək futzalçılardan ibarət Azərbaycan millisinin də Yüksək Liqada iştirakına icazə verib. Beləliklə, Yüksək Liqanın 2021-2022-ci il mövsümündə bu komandalar iştirak edəcək: "Araz-Naxçıvan”, "Neftçi” İK, EKOL, "Rekord club az”, "Alyans” FK (Lənkəran), "Baku Fire”, "Xilə” və U-19.