Avropa Parlamenti Kristin Laqardın təyinatını dəstəkləyib
15:11 / 17.09.2019
773
Avropa Parlamenti Kristin Laqardın Avropa Mərkəzi Bankının rəhbəri postuna təyinatını dəstəkləyib.
Sfera.az-ın TASS-a istinadən verdiyi xəbərə görə, Avropa Parlamentinin plenar iclası zamanı keçirilən səsvermədə deputatların böyük çoxluğu, 649 deputatdan 394 nəfəri Kristin Laqardın Avropa Mərkəzi Bankının rəhbəri postuna təyinatına səs verib.
Avropa İttifaqına üzv dövlətlərin liderləri 17-18 oktyabrda keçiriləcək sammitdə onun təyinatını təsdiq etməlidirlər.
Qeyd edək ki, Avropa İttifaqı Şurası K. Laqardın Avropa Mərkəzi Bankının rəhbəri postuna namizədliyini təsdiqləyib.
Noyabrın 1-də K. Laqard bu postda italiyalı Mario Draqini əvəz edəcək.
Xatırladaq ki, K. Laqard Beynəlxalq Valyuta Fondunun rəhbəri olub.