Bu gün aprelin 2-də prezident, Silahlı Qüvvələrin Ali Baş komandanı İlham Əliyev Müdafiə Nazirliyinin Xüsusi Təyinatlı Qüvvələrinin N saylı hərbi hissəsində olub. Məlumatı prezidentin rəsmi saytı yayıb. Digər təfərrüatlar hələ açıqlanmır.

***

Bu gün2016-cı ilin aprel döyüşlərinin növbəti ildönümüdür. Azərbaycan ordusunun qələbəsi ilə yekunlaşan aprel döyüşlərinin başlanmasından üç il ötür. Həmin döyüş əməliyyatları zamanı Azərbaycan ordusunun bölmələri düşmənin müdafiə xəttini iki istiqamətdən yarıb, bir sıra mühüm yüksəklikləri tutub və minlərlə hektarlıq ərazini işğaldan azad edib.

Həmin döyüşlərin ildönümü ilə bağlı prezident İlham Əliyev özünün "Facebook" səhifəsindəvideoçarx paylaşıb. Videoçarx "Qəhrəmanlarımızla fəxr edirik! APREL 2016” sözləri ilə paylaşılıb.

Aprel döyüşlərində Azərbaycan ordusu şəhidlər versə də düşmənin itkiləri bundan qat-qat çox olmuşdu.