Anjelika efirə sərxoş halda çıxan Anar Nağılbaz haqda: \"Onun ayıq vaxtı olmayıb\"
11:53 / 17.04.2018
2910
Xəbər verdiyimiz kimi reper Anar Nağılbaz efirə sərxoş halda çıxıb. Reper xəstəlikdən əziyyət çəkdiyi üçün spirtli içki qəbul etdiyini söyləyib. Vəziyyəti izah etməsinə baxmayaraq, reperin bu davranışı birmənalı qarşılanmayıb.
Anar Nağılbazla iki il əvvəl yolları ayrılan, reperin keçmiş həyat yoldaşı Anjelika Cəbiyeva da baş verənlərə münasibət bildirib.
O, Sfera.az-a açıqlamasında reperin həmişə belə məsuliyyətsiz və biganə olduğunu deyib:
"Onun ayıq vaxtı olmayıb. Biz ailəli olanda da belə idi. Bizim Anar bəy ilə münasibətimiz bitib, artıq görüşmürük. Övladım da atasını görmür. Özü gəlib uşaqla maraqlanmır. Aliment də vermir. Buna imkanının çatdığını da düşünmürəm. Heç kim bizi axtarmır, övladımla da maraqlanmırlar ki, bu uşaq nə edir, dərsləri necədir. Uşaq hər dəfə atasını soruşur ki, bəs nə vaxt gələcək. Hər bir uşaq istəyər ki, atası həmişə yanında olsun".
Anjelika Cəbiyeva reperin ailəsinin nəvələri ilə maraqlanmadığını deyib:
"Anarın ailəsi də bizlə əlaqə yaratmır. O ailənin işi ancaq qalmaqalla gündəmdə qalmaqdır. Heç nəvələri ilə maraqlanmırlar. Hər dəfə bir şey çıxarırlar ki, guya xəstəxanaya düşüblər, klip çəkdiriblər. Uşaqlarının eybini örtmək kimi bir fikirləri yoxdur. Hər dəfə də, bir söz çıxarırlar. Hər şeyi özləri edib, indi günahlarını mən çəkirəm. O zaman barışaram ki, sənədlə hər şey öz yerini tapsın, uşağım haqqı olanı alsın".
Şükufə Süleymanlı
Sfera.az