Aktyordan televiziya kanallarına sərt TƏNQİD: \"Çullu dovşan gəmirənlər!\"
15:10 / 16.04.2021
1860
"Lanovoy dünyasını dəyişəndə rusiya televiziyasını xatırlayın. Onlar anlamış idilər. Biz anlamırıq deyəsən, "Bir cənub şəhərində","Babək","Nizami","Gümüşgöl əfsanəsi","Girov" getdi, bir böyük, əzəmətli dövr getdi”.
Sfera.az-ın məlumatına görə, bunu aktyor Kamran Ağabalayev Xalq artisti, tanınmış kinorejissor və ssenarist Eldar Quliyevin vəfatından danışarkən bildirib. Aktyor televiziya kanallarını sərt tənqid edib:
"Sənə dövr bağışlayan birinə sən 1 gün bağışlaya bilmirsən? Çağır onunla işləyən rəssamları, bəstəkarları, operatorları, aktyorları, qonşusunu çağır. Gününü həsr elə sənətkara! Çünki o buna layiqdir. Dünyadan sənətkar köçüb”.
Aktyor xatırladıb ki, dövr hər zaman sənətkarı ilə tanınıb, başqa heç kim ilə:
"Ya da sən "tupoy"san, sadəcə! Və yaxud kanalda heç kimin ağlına gəlmədi? Çullu dovşan gəmirənlər!".
Qeyd edək ki, tanınmış kinorejissor və ssenarist Eldar Quliyev bu gün 80 yaşında vəfat edib.
Türkan
Sfera.az