Ağ Evin antikoronavirus pandemiya qrupunun üzvlərindən biri, Amerika Milli Allergiya və Yoluxucu Xəstəliklər İnstitutunun direktoru Entoni Fauci ABŞ-da iki yüz minə qədər insanın koronavirus nəticəsində ölə biləcəyini düşünür.

Sfera.az-ın məlumatına görə, Entoni Fauci "İndi gördüklərimizə baxaraq, deyərdim ki, yüz mindən iki yüz minə qədər insan ölə bilər ..." deyə vurğulayıb.

Həkim əlavə edib ki, onun fikrincə milyonlarla insan virusa yoluxacaq.

Bu gün ABŞ-da COVID-19 diaqnozu ilə demək olar ki, 125 min xəstə var, onlardan iki mindən çoxu dünyasını dəyişib.