Türkiyənin Azərbaycandakı səfirliyində Ankarada baş vermiş faciə ilə əlaqədar xatirə dəftərinin imzalanması mərasimi keçirilib.

Sfera.az-ınn APA-ya istinadən xəbərinə görə, mərasimdə Azərbaycanın baş nazirinin müavini Abid Şərifov, Qafqaz Müsəlmanları İdarəsinin sədri Şeyxülislam Hacı Allahşükür Paşazadə və digər vəzifəli şəxslər iştirak ediblər.

Abid Şərifov türk xalqına başsağlığı verərək deyib: “Dünyadan köçüb gedən şəhidlərin ailələrinə səbr arzulayıram. Türk xalqına səbr diləyirəm. Bu, son acımız olsun”.

Xatırladaq ki, oktyabrın 10- Ankarada dəmiryolu vağzalı qarşısında keçirilən mitinq zamanı baş verən silsilə parlayışlar nəticəsində 90-dan çox insan ölüb, 200-dən çox insan isə xəsarət alıb.