Bu balacanın adı Əli Zülfüqarovdu. 5 yaşı olmasına baxmayaraq qeyri adi bacarığı onu Qubada məşhurlaşdırıb.

Balaca Əli bədəninə metal qaşıqlar, çəngəl,  bıçaq, açar və digər dəmir əşyalar yapışdırır. “Maqnit uşaq” ləqəbli sinəsində və kürəyində eyni vaxtda 20-yə yaxın metal əşyanı əl vurmadan saxlaya bilir.

Əlinin bədənindəki bu qeyri-adi güc təsadüf nəticəsində məlum olub. Televiziya kanallarının birində xarici ölkədə yaşayan “Maqnit adam”la bağlı efirə gedən videosujet onun marağına səbəb olub və bundan sonra Əli metal əşları sinəsinə yapışdırıb. Bununla da o, qeyri-adi gücünü kəşf edib.

İndi balaca Əlinin bir məqsədi var, dünya rekordu vurmaq.

Qeyd edək ki,  ailə üzvləri arasında yalnız Əli bu qeyri-adi gücə malikdir. Onda olan bu qəribə bacarığın nədən qaynaqlandığı hələlik məlum deyil. Həkimlər isə Əli Zülfüqarovun səhhətində problemin yaranmadığını, onun tam sağlam olduğunu bildirirlər.(atv.az)

Sfera.az