İngilis televiziyasında yayımlanan "Britain's Got Talent” adlı yarışmanın münsif üzvlərindən olan Amanda Holden, müsabiqənin yarımfinal gecəsində geyindiyi geyim ilə gündəmə damğa vurub.

Oxu.Az xarici KİV-ə istinadla xəbər verir ki, 45 yaşlı Holden, verilişdə Celia Kritharioti imzalı ağ rəngli libasla iştirak edib.

Holdenin geyimini bəyənməyənlər sosial şəbəkədə "Amanda nə zaman yaşına uyğun geyinəcəksən?”, "bu istedad yarışmasıdır, moda nümayişi deyil” kimi şərhlərlə onu tənqid atəşinə tutublar.

Amanda Holdenin pərəstişkarları isə bu paltarın ona çox yaraşdığını qeyd ediblər.