Sfera.az bildirir ki, NASA-nın planetə göndərdiyi "Perseverance" tədqiqat aparatı Yerə təzə fotolar göndərib. Yaxın vaxtlarda aparat Marsda ilk torpaq nümunələrini toplayacaq.

NASA-nın hədəfi 2030-cu ilədək Mars planetinə insan göndərmək imkanlarına nail olmaqdır.

Xatırladaq ki, "Mars 2020” missiyası ötən ilin iyul ayında start götürüb. Bir ton ağırlığı olan "Perseverance” yeddi aylıq uçuşdan sonra fevralın 18-də Marsın "Jezero” adlandırılan kraterinə eniş edib. NASA-nın tarixində beşinci Mars aparatı olan "Perseverance” "qırmızı planet"in quruluşu və geologiyasının tədqiqi üçün nəzərdə tutulan yeddi elmi alətlə, 25 kamera və iki mikrofonla təchiz olunub.