Oxu.Az xəbər verir ki, bu barədə Trend-ə daşınmaz əmlak üzrə ekspert Vaqif Hüseynov deyib.

Onun sözlərinə görə, avqustun sonlarında aktivlik, demək olar ki, sıfıra bərabər olub. Onun sözlərinə görə, alıcılıq aşağı olsa da, qiymətlər, demək olar ki, stabil qalıb.

V.Hüseynov bildirib ki, qiymətlərin sabit qalması bazar iştirakçılarının alverçilərdən ibarət olması ilə bağlıdır: "Hazırda bazarda avtomobil satanların çoxu alverçilərdir. Onlar üçün də avtomobili ucuz qiymətə satmaq əlverişli deyil. Ona görə də qiymətlərdə ciddi ucuzlaşma müşahidə edilməyib”.

Ekspertin sözlərinə görə, sentyabrın 15-dən sonra avtomobil bazarında müəyyən canlanma gözlənilir, ancaq bir şərtlə ki, qiymət enməsi müşahidə olunsun: "Ənənəvi bazarda üstünlük alverçilərin əlindədir və ona görə də ucuzlaşma ehtimalı azdır, ancaq "online” avtomobil bazarında insanlar özləri avtomobillərini satışa çıxardıqlarına görə müəyyən qiymət azalması müşahidə olunacaq. Bu da öz növbəsində ənənəvi avtomobil bazarına da təsir edəcək”.

 

Sfera.az