Azərbaycanda mənzillərin kirayəsi bahalaşıb
21:26 / 20.06.2017
720
Cari ilin may ayında Azərbaycanda mənzillərin kirayə haqqı 1,2% bahalaşıb və kirayə haqqı bir xidmət üzrə orta aylıq 93,67 manat təşkil edib.
Sfera.az "Report"a istinadən bildirir ki, kirayə haqqı yanvarda 3,5%, fevralda 0,1%, martda 1,2% bahalaşsa da, aprel ayında dəyişməz qalıb.
Qeyd edək ki, bu ilin mayında aprel ayına nisbətən istehlak məhsulları və xidmətlərin qiymətlərində 0,2%, o cümlədən qeyri-ərzaq məhsullarının qiymətlərində 0,2%, əhaliyə göstərilən ödənişli xidmətlərin qiymətlərində 2,1% artım, ərzaq məhsullarının qiymətlərində isə 1,3% azalma qeydə alınıb.