Bu içkilərin qiyməti qalxır - SİYAHI
15:22 / 18.12.2015
959
"Slavyanka", "Sirab", "Badamlı", "Mor-mor" və "Qax" kimi mineral suların qiyməti qalxacaq. Milli.Az xəbər verir ki, bunu iqtisadçı-ekspert Qalib Toğrul bildirib. Onun sözlərinə görə, Vergi Məcəlləsinə edilən son dəyişikliklərdən biri də qeyri-filiz faydalı qazıntılarından tutulan mədən vergisi dərəcəsinin artırılması ilə bağlı olub. Bunlardan 13-ü üzrə vergilər dövlət büdcəsinə, 3-ü üzrə vergilər isə bələdiyyə büdcəsinə ödənilir. Mədən vergisi hər kubmetr üçün hesablanılır. Məcəllədə vergi dərəcəsi ən çox qaldırılan isə faydalı qazıntı mineral sulardır:
"Mineral suların hər kubmetrinə tətbiq olunan vergi dərəcəsi 6 manatdan 10 manata qaldırılıb, yəni vergi dərəcəsində təxminən 70 faiz artım baş verib. Çox güman ki, dəyişikliklərin qüvvəyə minməsindən, yəni 2016-cı il yanvarın 1-dən sonra ölkəmizdə istehsal olunan mineral suların, o cümlədən "Slavyanka", "Sirab", "Badamlı", "Mor-mor", "Qax" sularının pərakəndə satış qiymətləri də qalxacaq".
