Sfera.az "The Daily Telegraph"a istinadən bildirir ki, hadisə Çində baş verib. 

20 saatlıq qatar səyahəti zamanı telefonu bir saniyə belə yerə qoymayan qadın qatardan düşəndə danışmaqda və yeriməkdə çətinlik çəkib. Özündən gedən qadını dərhal xəstəxanaya çatdırıblar. Onun beyninə qan sızdığı məlum olub. 3 saatlıq əməliyyatdan sonra qadının vəziyyəti yaxşılaşıb. Həkimlər qadının başına gələnlərin eyni vəziyyətdə çox qalmaqdan qaynaqlandığını açıqlayıblar. 

"Eyni vəziyyətdə çox qalmaq olmaz. Hərəkıt etmək lazımdır. Həm gözlərin, həm də beynin dincəlməsi üçün telefondan istifadəyə məhdudiyyət qoymaq lazımdır", deyə ölümdən dönən qadının həkimi bildirib. 

Lalə Nəsirova