Cəmİyyət

141 nəfərin zəhərləndiyi İmişlidə son vəziyyət necədir? - Nazirlikdən AÇIQLAMA

141 nəfərin zəhərləndiyi İmişlidə son vəziyyət necədir? - Nazirlikdən AÇIQLAMA
Son bir neçə gündə Saatlı, Tərtər və İmişlidə pambıq sahəsində kütləvi zəhərlənmə qeydə alınıb.

Təkcə ötən gün İmişli rayonunda pambıq tarlasında baş verən zəhərlənmə nəticəsində 141 nəfər xəstəxanaya müraciət edib.

Kənd Təsərrüfatı Nazirliyinin mətbuat katibi Anar Hüseynov baş verənlərlə bağlı Sfera.az-a açıqlamasında suallarımızı cavablandırıb. A.Hüseynov baş verən arzuolunmaz hadisə ilə əlaqədar artıq komissiya yaradıldığını və araşdırmaların aparıldığını vurğulayıb:

"Saatlı, Tərtər və İmişlidə pambıq sahəsində baş verən zəhərlənmə ilə əlaqədar olaraq xüsusi komissiya yaradılıb. Hazırda araşdırmalar davam etdiyi üçün nəticə haqda danışa bilmərəm. Araşdırmanın yekunlaşmasını gözləməliyik”. 

A.Hüseynov bildirib ki, pambıq sahəsində istifadə olunan dərmanlar nazirliyin tabeliyində olan fitosanitar xidmətdə qeydiyyatdan keçib:
 
"Növbəti ayın 1-dən etibarən bu səlahiyyət Qida Təhlükəsizliyi Agentliyinə veriləcək”. 

Belə bir şəraitdə təhlükəsizlik tədbirlərinin görülüb-görülməməsi ilə əlaqədar olaraq nazirlik sözçüsü qeyd edib ki, tərəflərindən mütəmadi olaraq maarifləndirici tədbirlər təşkil olunur:

"MKT  şirkətinin innnovasiyalar təsərrüfatında baş verib. Təhlükəsizlik qaydalarına riayət edilməsi ilə əlaqədar olaraq o şirkətin də mövqeyi öyrənilməlidir. Biz nazirlik olaraq mütəmadi qaydada bu istiqamətdə təhlükəsizlik qaydalarına riayət edilməsi ilə əlaqədar çağırışlar etmişik”. 

A.Hüseynov kənd təsərrüfatı nazirinin artıq həmin bölgəyə baş çəkdiyini və zərərçəkmişlərlə görüşdüyünü də vurğulayıb:

"Nazir də baş verən hadisə ilə əlaqədar olaraq İmişliyə səfər ediərək fermer, sahibkarlar və zəhərlənən şəxslərlə görüş keçirib”.

A.Hüseynov zəhərlənənlərin hansı peşə fəaliyyəti ilə məşğul olması haqda bilgisiz olduğunu vurğulayıb:

"Zəhərlənənlərin müəllim və səhiyyə işçisi olmasından məlumatsızam. Bu haqda heç nə deyə biməyəcəyəm”.

Nigar Məhərrəm
Sfera.az

XƏBƏR LENTİ