Ekologiya və Təbii Sərvətlər Naziri Hüseynqulu Bağırov Daşkəsən rayonunda ictimaiyyət nümayəndələri ilə görüşüb.

“Qafqazinfo” xəbər verir ki, görüşdə yerli icra hakimiyyəti orqanlarının, bələdiyyələrin, ictimaiyyətin nümayəndələri, sahibkarlar və Daşkəsən rayonundan seçilmiş millət vəkili Rövşən Rzayev iştirak edib. Rayon İcra Hakimiyyətinin inzibati binasında keçirilən tədbirdə icra başçısı Əhəd Abıyev rayonda görülən işlər və nəzərdə tutulan layihələr barədə ətraflı məlumat verib.

Ölkədəki bügünkü iqtisadi durumla bağlı çıxış edən nazir H. Bağırov qeyd edib ki, ölkəmizdə yaranmış müəyyən çətinliklə müşaiyət edilən vəziyyət daxili proseslər deyil, böyük dövlətlərin xarici təsiri nəticəsində yaranıb. 1990-cı illərdəki Azərbaycanla bügünkü ölkəmizi geniş müqayisə edən nazir deyib ki, bü gün azərbaycanlıların imici çox yüksək səviyyədədir və Azərbaycan özünə əmin olan, müstəqil olaraq ayaq üstdə duran dövlətdir.

H.Bağırov yeni iş yerlərinin açılması məqsədilə Daşkəsən rayonunda yerli şəraitə uyğun ağac cinslərinin yetişdirilməsi üçün tinglik təsərrüfatlarının yaradılması ilə bağlı nazirliyin aidiyyəti qurumlarına tapşırıq verib.