Sfera.az xəbər verir ki, şikayətçi “qafqazinfo”ya bildirib ki, bu yaxınlarda çətinliklə aldığı sosial yardım onun müalicəsini qarşılamır. Bu səbəblə rayon sakini İcra Hakimiyyətinə müraciət etsə də, müsbət cavab ala bilməyib:

“Epilepsiya, nevroz, ürək-damar problemləri daxil olmaqla 11 xəstəlikdən əziyyət çəkirəm. Bir illik get-gəldən sonra axır ki, bu ay sosial müavinət alacam. Ancaq o da 127 manatdır. Bu məbləğ nə 5 nəfərlik bir ailəni dolandırmağa bəs edir, nə də ki mənim müalicə xərclərimə. Xaçmaz rayon İcra hakiminin birinci müavini Yetkin Mehmanova müraciət edərək müalicəm üçün 600-700 manat istədim. Müavin mənim istəyimi rədd etdi və belə bir köməklik etməyə ixtiyarı olmadığını bildirdi. Bildirdi ki, kimə istəyirsən de, hara yazırsan yaz, biz kömək edən deyilik. Başqa çarəm qalmadığı üçün mən də media vasitəsilə dövlət orqanlarından kömək istəyirəm”.