Paraqvayda 10 yaşlı qızın  20 həftəlik hamilə olduğu xəstəxanada bilinəndə hadisə  xəbər başlıqlarında yer aldı.

Lakin kiçik qızın bu vəziyyəti Cənubi Amerikada təəssüflər olsun ki,  nadir rast gəlinən bir hadisə deyildi. 7 milyonluq əhalisi olan Paraqvayda  keçən il 14 yaşına çatmamış 700-dən çox qız uşağı doğum edib.

10 yaşlı Mainumby isə  ilk olaraq, qarın ağrısından şikayət etdiyi bildirilib. Anasının onu fərqli klinikalara aparmasına  baxmayaraq, ağrısı davam edən uşağa diaqnoz ancaq üç aydan  sonra başqa bir xəstəxanada qoyulub.  O hamilə idi, özüdə 20 həftəlik. Əsas faciə isə bu ölkədə abortun qadağan olunması idi. Qızı bu hala salanının kimliyi dəqiq bilinməsə də onun ögəy atası şübhəli bilinərək, nəzarətə alınmışdı. Ölkəni isə  qızın sağlamlığı narahat edirdi.

Beynəlxalq Əfv Təşkilatı qızın  abortuna icazə verməsi üçün dövlətə müraciət edərkən,  BMT  insan hüquqları mütəxəssisləri Paraqvayın tənqid edən açıqlamalar verib. Lakin səlahiyyətli şəxslər qoyduqları qanunu pozmaqda israrlı görünür. Paraqvayın səhiyyə naziri Antonio Barrios bu hadisəylə bağlı açıqlama verib. O bildirib ki,  "Mainumby'e edilən psixoloji kömək , qızın xoşbəxt olduğunu  və heç bir problemi olmadığını göstərib. Qızın həyatı təhlükədə olmadığı üçün bizim üçün tək variant hamiləliyə davam etməsidir “.

Ölkədə baş verən bu qədər çaxnaşmadan sonra dövlət qanunu pozmadı və 10 yaşlı  Mainumby  qız uşağı dünyaya gətirdi. Paraqvay xalqı isə dövləti bu addımına görə bağışlamadı. Onlar düşünür ki, kiçik yaşdakı hamiləliyin bir yetkin insanla müqayisədə  riskli olduğu üçün dövlət  qızın həyatıyla qumar oynadı.(atv.az)

Sfera.az